«Менинг фикрим» жамоавий мурожаатлар порталида бизнес телеканалини ташкил этиш ҳақида петиция пайдо бўлди.
Фото: Pixabay
Мурожаат муаллифининг қайд этишича, бугунги кунда тадбиркорларнинг фаолиятини тўлиқ ёритадиган, бизнес сирларини ўргатишга ихтисослаштирилган, тадбиркорлик соҳасидаги ислоҳотларнинг мазмун-моҳияти билан яқиндан таништирадиган махсус телеканал мавжуд эмас —
деб бу хақда «Дарё» нашри хабар беради .
«Агар тадбиркорлик соҳасига бағишланган махсус телеканал ташкил этилса ва унинг дастурлари фақат шу йўналишда бўлса, тадбиркорлар бир-бирларини янада яқинроқ танишарди, маҳсулотларни реклама қилиш учун қулайлик бўларди», — дейилади жамоавий мурожаатда.
Билдирилишича, бу телеканалнинг ташкил этилиши хорижий инвестицияларни ҳам кенгроқ жалб этишга, хорижлик тадбиркорларнинг эътиборини янада тортишга хизмат қилиши мумкин. «Юқоридагилардан келиб чиқиб, махсус бизнес телеканалини ташкил этишни таклиф қиламан», — деб ёзади мурожаат муаллифи.
