Бандлик ва меҳнат муносабатлари вазири Ўзбекистонда қайси соҳаларда кадрлар танқис эканини айтди

Ўзбекистонда ахборот технологиялари ва қишлоқ хўжалиги соҳасидаги ишчиларга талаб юқорилигича қолмоқда. Бу ҳақда Ўзбекистон Меҳнат ва бандлик вазирлиги раҳбари Шерзод Кудбиев маълум қилди, деб хабар бермоқда Sputnik.

Фото: Sputnik

«Иш берувчиларимизда қаноат ҳосил қила олмаганлик синдроми мавжуд.  — деб бу хақда «Daryo» нашри хабар беради .Бир томондан 1,5 миллионга яқин, аниқ қилиб айтганда, 1 миллион 391 минг ишсизларимиз бор, лекин шу билан бирга қарийб 150 мингга яқин ўртача ойлик тўланадиган вакансияларга мутахассис топа олмаяпмиз», — дейди вазир.

Кудбиевнинг айтишича, бу ерда гап юқори малака талаб этиладиган мутахассислар ҳақида эмас, балки оддий касб эгалари ҳақида бормоқда: яъни бугун Ўзбекистонда ветеринар, тракторчи, механизатор, сваршик, сантехник, тикувчилар ҳамда IT-технологиялари соҳасидаги кадрларга эҳтиёж юқори.

Вазирнинг сўзларига кўра, 2019 йилда Ўзбекистонда WorldSkills Интерnationал (касбий тайёргарлик стандартлари ва ишчилар касбий маҳоратини ошириш ҳамда ишчи касбларни оммалаштириш билан шуғулланадиган ташкилот) стандартлари бўйича ривожланиш механизмлари жорий этилади, айни вақтда миллий касбий маҳорат тизими киритилган.

«Мамлакатдаги меҳнат органлари қўлида замонавий касбга ўқитиш механизми ҳозир ҳам мавжуд эмас, эндигина ушбу йўналишда ишлар бошлаб юборилган», — дейди Кудбиев.

«Агар таълим тизими меҳнат бозорига иш берувчиларни талаблари асосида мутахассисларни тайёрлаб бермас экан, у ҳолда меҳнат бозоридаги вазият танглигича қолаверади. Оқсоқ таълим тизими сифатсиз кадрларни тайёрлайверади, сифатсиз кадрлар эса ишсизлик муаммоси демакдир», — дея таъкидлайди Меҳнат вазирлиги раҳбари.