Наманганда Ёшлар куни тантаналари вилоят марказидаги «Афсоналар водийси» парки амфитеатрида бўлиб ўтди. Бу ҳақда «Дарё» мухбири Азизбек Абдувалиев хабар бермоқда — деб бу хақда «Daryo» нашри хабар беради .
Фото: Наманган вилояти ҳокимлиги ахборот хизмати
Тантанали тадбирда вилоят ҳокими Хайрулло Бозоров Шавкат Мирзиёевнинг Ўзбекистон ёшларига байрам табригини ўқиб берди.
Фото: Наманган вилояти ҳокимлиги ахборот хизмати
«Мард ўғлон» давлат мукофоти билан тақдирланган Косонсой туманидаги болалар ва ўсмирлар спорт мактаби мураббийи Муҳаммадсиддиқ Абдумуталов ва Норин туманидаги «Омадбек бўстони» фермер хўжалиги бошлиғи Темурбек Мўминовга диплом ҳамда кўкрак нишонлари топширилди.
Фото: Наманган вилояти ҳокимлиги ахборот хизмати
Адабиёт, санъат, спорт ва бошқа йўналишларда йил давомида турли ютуқларни қўлга киритган иқтидор эгаларига диплом ва қимматбаҳо совғалар тақдим этилди.
Фото: Наманган вилояти ҳокимлиги ахборот хизмати
«Ҳоким ва ёшлар» учрашувида вилоят ҳокими томонидан Ёшлар иттифоқи вилоят кенгашига автобус совға қилиш ваъдаси берилганди. Тадбирда вилоят кенгашига ваъда қилинган автобус топширилди.
Фото: Наманган вилояти ҳокимлиги ахборот хизмати
«Ёшлар бандлигини таъминлаш бўйича энг намунали туман (шаҳар) ҳокими» танлови мамлакат босқичи ғолиблари деб топилган Наманган шаҳри ҳокими Шавкат Абдураззоқов ва Тўрақўрғон тумани ҳокими Ғуломжон Муродхўжаев диплом ва Ўзбекистон ёшлар иттифоқининг рамзий мукофоти билан тақдирланди.
Фото: Наманган вилояти ҳокимлиги ахборот хизмати
Тантанали тадбир санъат усталарининг гала-концерти билан якунланди.
Фото: Наманган вилояти ҳокимлиги ахборот хизмати
