Дубай амирлигининг валиаҳди Шайх Ҳамдан бин Муҳаммад Ол Мактум октябрь ойида иккинчи марта Ўзбекистонга келди — деб бу хақда «Daryo» нашри хабар беради .
Фото: Telegram/Zed News
Telegram’даги AviaSpotter каналининг маълум қилишича, Дубай ҳукуматига хизмат кўрсатувчи Dubai Royal Air Wing самолёти 31 октябрь, пайшанба куни Тошкентга қўнган.
Фото: Instagram/faz3
Шайх Ҳамданнинг Instagram’га юклаган суратларига кўра, у Tashkent City ҳудудидаги Hilton меҳмонхонасига жойлашиб, пайшанба куни Тошкент шаҳар ҳокими Жаҳонгир Ортиқхўжаев билан учрашган.
Фото: Instagram/faz3
Шаҳзода, шунингдек, Ўзбекистон Президенти Шавкат Мирзиёев оиласи вакилларининг ҳам меҳмони бўлган.
Дубай тахти вориси октябрь ойи ўрталарида ҳам Ўзбекистонда бўлиб, Навоий шаҳридан қарийб 50 километр узоқликдаги чўл ҳудудида лочинлар билан ов қилган эди.
Фото: Instagram/faz3
Бу ҳудудда 300 гектар майдонни эгаллаган «Амирликларнинг йўрға тувалоқни асраш маркази» жойлашган.