Туркия парламентида Ливияга ҳарбийлар юборишга рухсат бериш юзасидан қонун лойиҳаси кўпчилик овоз билан маъқулланди. Ҳужжат президент томонидан ратификация қилинди ва 3 январда «Resmi Gazete» ҳукумат нашрида эълон қилиниб, кучга кирди — деб бу хақда «Daryo» нашри хабар беради.
Фото: Belnaviny
Al-Arabiya телеканалининг хабар қилишича, турк қўшинларининг биринчи гуруҳи Ливияга қонун кучга кирганидан икки кун ўтгач жўнатилади. Reuters хабарига кўра Туркия Ливияга тезкорлик билан қўшин киритмоқчи эмас.
Аввал АҚШ президенти Дональд Трамп Туркия давлат раҳбари Ражаб Тоййиб Эрдўғон билан телефон суҳбатида Ливияда хорижлик ҳарбийларнинг бўлиши мамлакатдаги вазиятни янада оғирлаштириши ҳақида огоҳлантирганди. Греция, Исроил ва Кипр давлат раҳбарлари ҳам Туркияни бундай режани амалга оширмасликка чақирган. Евроиттифоқ ҳам вазиятдан хавотирда эканини билдирган.
