Ифторликка тўйимли шу билан бирга витаминларга бой таом истеъмол қилиш керак, енгил ҳазм бўладиган бўлса яна яхши. Эътиборингизга сабзавотлардан тайёрланадиган «рагу» рецептини тақдим қиламиз — деб бу хақда «Daryo» нашри хабар беради.
Фото: «Kulinarissimo»
Бунинг учун қуйидаги маҳсулотлар керак бўлади:
- Помидор 7 дона
- Бақлажон 4 дона
- Бодринг 4 дона
- Саримсоқ пиёз 3 дона
- Қуритилган райҳон — 2 ош қошиқ
- Ўсимлик ёки зайтун ёғи — 50 грамм
- Зафарон — 1 ош қошиқ
Тайёрланиш жараёни:
- Барча сабзавотларни ювиб, артиб, йирик «кубик» шаклида тўғранг.
- Саримсоқ пиёзни майдалаб унга туз ва зираворлар: зафарон, райҳон кукуни ва мурч қўшинг.
- Сабзавотларни печга қўйиш мумкин бўлган идишга солиб, устидан зайтун мойини солинг.
- Печга 20 дақиқага қўйинг.
- Печдан олиб саримсоқли зираворларни қўшиб аралаштиринг ва яна ярим соатга печга қўйинг.
Мазкур таомнинг ўзини ёки гўшт, балиқ ҳамда товуқ билан бирга қўшиб истеъмол қилиш мумкин.
Ёқимли иштаҳа!
