Сосиска бутерброд, сэндвич, шунингдек, гарнирлар билан қўшиб ейиш учун яхши вариант ҳисобланади. Уни ўз қўлингиз билан тайёрласангиз борми, янада мазали туюлади. Эътиборингизга товуқ филесидан тайёрланадиган сосиска рецептини ҳавола қиламиз — деб бу хақда «Daryo» нашри хабар беради.
Фото: Getty Images
Керакли маҳсулотлар:
- Товуқ филеси — 600 гр
- Сут — 250 мл
- Хантал — 1 чой қошиқ
- Саримсоқ пиёз
- Туз ва зираворлар — таъбга кўра
Тайёрланиш жараёни:
- Товуқ филесини гўшт майдалагичдан чиқаринг.
- Филени сутга солиб блендер ёрдамида бўтқа ҳолига келтиринг.
- Филега саримсоқ пиёз, хантал, туз ва зираворлар қўшинг.
- Фольга қоғозни керакли шаклда кесиб, қийма солинг ва ўранг.
- Ўралган сосискалар 180 даражада қизиган духовкага қўйинг.
Сосискани картошка, гуруч ёки сабзавотлар билан қўшиб ейиш тавсия қилинади.