Orif kelib maktabdan,
Tushlik uchun oʼtirdi.
Voz kechmasdan qatiqdan,
Pok-pokiza tushirdi.
Qatiqni koʼrgach baxam,
Navbat palovga yetdi.
Xayallamay palov xam,
Toʼgʼri qoringa ketdi.
Moʼralab ishkomlardan,
Uzumlar turardi jim.
Ikki boshi ulardan,
Qayoqqadir boʼldi zim.
Oshxonada bir qovun,
Turibdi boʼlib «asal»,
Uni yegandan keyin,
Orifboy boʼldi kasal».
Qorni ogʼrib bir zumda,
Chiday olmay yigʼladi.
Аxir aybi oʼzida,
Nafsin sira tiymadi.
Orif kabi kimda-kim,
Kirsa nafsin soʼziga,
Shak-shubxasiz u maxkum,
Qasd qilmoqqa oʼziga.
Аgar sixat tilasang,
Xech qachon koʼp yemagin.
Orifga oʼxshab qolsang,
Keyin afsus qilmagin.
Kirsang nafsing soʼziga,
Oqibati yomondir.
Sogʼlik tushmay iziga,
Rangi-roʼying somondir!
Abdulla Pulatov
- Materiallar faqat shaxsiy maqsadlarda foydalanish uchun: Materiallardan tijorat maqsadlarida foydalanish, tarqatish qonun bilan taqiqlanadi.
- «Mualliflik xuquqi va turdosh xuquqlar to‘g‘risida» gi O‘zbekiston Respublikasi Qonuni: № 42 son, 20 iyun. 2006 yil.
© MUALLIF
