Har biri 2 mln dollarlik ikkita Rimac giperkari krash-test davomida pachoqlandi (video)

Xorvatiyaning Rimac kompaniyasi C_Two elektrogiperkarlarining krash-testi davomida har biri 2,1 million dollar turadigan prototiplar pachoq qilingani tasvirlangan rolik bilan bo‘lishdi, deb xabar beradi Motor  — deb bu haqda «Daryo» nashri  xabar beradi.    

Kadr: YouTube

Muhandislar real testlardan tashqari, virtual testlarni ham o‘tkazib, karbondan tayyorlangan monokok mustahkamligini tekshirdi. Shundan so‘ng, xorvatlar ikki eshikli giperkarni to‘laqonli sinovdan o‘tkazishga kirishgan.

Birinchi test davomida mashina soatiga 40 kilometr tezlikda 40 foiz qoplama bilan to‘siqqa oldi bilan urilgan. Muhandislar Rimac’ning olingan natijalaridan qoniqqan, biroq bu kabi tezlikdayoq zarba “yetarli darajada vayronkor” ekanligini tan olgan.

Ikkinchi C_Two murakkabroq sinovdan o‘tdi: u ham xuddi o‘sha to‘siqqa borib urilgan, biroq soatiga 56 kilometr tezlikda. Ushbu test natijasidan ham muhandislar qoniqish hosil qilgan. Jiddiy deformatsiyaga qaramay, kuzovning old qismi yurishga muvaffaq bo‘lgan, yo‘lovchilarga yetadigan xavf darajasi esa minimal bo‘lgan — manekenlardagi datchiklar ortiqcha yuklamani qayd etmagan. Asosiy xavf joyidan ajralib, haydovchi oyog‘iga shikast yetkazishi mumkin bo‘lgan tepkilardan bo‘lgan, biroq ular ham shikastsiz qolgan.

Rimac C_Two giperkari har bir g‘ildirakka ulangan to‘rtta elektrodvigatel yordamida harakatga keladi. Ular birgalikda 1914 ot kuchini taqdim etishga qodir. Bu esa soatiga 100 kilometr tezlikka 1,97 soniyada erishish imkonini beradi. Motorlar sig‘imi 120 kilovatt-soatga teng akkumulyator bloklaridan quvvatlanadi. Giperkar bir marta quvvatlanish orqali 650 kilometr yo‘l bosishga qodir.

Eslatib o‘tamiz, shu yilning iyul oyida eski Fiat va yangi BMW krash-testi mashinalarning xavfsizlik tizimi qanchalik evolyutsiyaga uchraganini ko‘rsatib bergan edi.