Табиий офатлардан сақланиш мақсадида, инсон табиатни бошқара олмаса хам, лекин у ўзини ва атрофидагиларни бошқариши мумкин…
Хеч нарса бермасдан туриб олишга уринган инсон, кўп холларда, табиатда — ўғри ёки браконьерга, жамиятда эса порахўрга айланади
Зарарли одатларга яқинлашиш — кексаликни тезроқ яқинлашишига олиб келади.
Томоша сўнггида қаттиқ қарсак чалган томошабин — томошадан қаттиқ таъсирланмаган бўлиши мумкин.
Агар нисбийлик бўлмаса, чиройли ва хунук деган тушунча хам бўлмасди.
Хаётда хар нарсанинг меъёри бўлгани яхши, хаттоки — меъёрнинг хам…
Баъзида инсонлар ёлғон сўзлаш бобида шунчалик устаси фаранг бўлиб кетадиларки, хатто ўз ёлғонларига ўзлари хам ишона бошлайдилар.
Чинакам фожиага учраган инсон — бошига тушган фалокатни бартараф қилиш учун курашаётган инсон эмас, балки, ана шундай вазиятда нима қилишини билмай, саросимага тушиб турган инсондир.
Абдулла Пулатов
- Материаллар фақат шахсий мақсадларда фойдаланиш учун: Материаллардан тижорат мақсадларида фойдаланиш, тарқатиш қонун билан тақиқланади.
- «Муаллифлик хуқуқи ва турдош хуқуқлар тўғрисида» ги Ўзбекистон Республикаси Қонуни: № 42 сон, 20 июнь. 2006 йил.
© МУАЛЛИФ
