ЗАНГИОТАДАГИ БОҒЧАЛАРНИНГ БИРИДА “ЎЛИК ЖОН”ЛАР ҲИСОБИГА ҚАРИЙБ 1 МЛРД СЎМ ИШ ҲАҚИ ЁЗИЛИБ, ЎЗЛАШТИРИБ ЮБОРИЛГАН

Мудира ва бошқалар МТМда ишламайдиган 37 нафар, шу жумладан 4 нафар яқин қариндошини ишга қабул қилиб, бюджет маблағларини ўмарган  — деб бу хақда «UzNews.uz» нашри  хабар беради.      

Фото:Иллюстрация

Зангиота туманидаги 16-сонли давлат мактабгача таълим ташкилоти мудираси ва бошқалар олдиндан тил бириктириб, 2014-2020 йиллар давомида амалда МТМда ишламайдиган 37 нафар, шу жумладан 4 нафар яқин қариндошини ишга қабул қилиб, бухгалтерия ҳужжатларига сохта маълумотлар киритиш орқали ҳужжатларни қалбакилаштириб, 983,5 млн сўм бюджет маблағларини талон-торож қилишган. 

Ушбу ҳолат Бош прокуратура ҳузуридаги Департаментнинг Зангиота тумани бўлими ҳамда Мактабгача таълим вазирлиги мутахассислари билан ҳамкорликда тумандаги 16-сонли мактабгача таълим ташкилотида ўтказилган текширувда аниқланган.

Мазкур ҳолат юзасидан МТМ мудираси ва бошқаларга нисбатан жиноят иши қўзғатилиб, тергов ҳаракатлари ўтказилмоқда.