QАRIGАNDА:
-«Xa, shu, aytishlariga qaraganda…!»
-Ezma boʼlib qolibsan, qariganda.!
IRKIT OʼRDАKChА:
-«Irkit oʼrdakcha deb yuzimga solmang,
Soʼng payti kelganda, uyalib kolmang!».
XАRАKАT:
-«Oʼpkangni qoʼltiqlab, shoshmasang buncha,
Senga yetolmadim, intildim shuncha!».
-«Balandroq osilgin, osilsang faqat,
Mendan oʼzish uchun, qilgil — xarakat!…».
XULOSАGА ShOShILMА:
-«Xoy, sen boʼri, yirtqich, kushanda,
Barcha uchun — zararkunanda!…».
-«Xulosaga, shoshilma deyman,
Xayvonlarning — kasalin yeyman.
Men «sanitar» vazifasida,
Kerakliman, bilsang aslida!…»
«BАRАKOT» UChUN XАRАKАT:
Qoʼyni el ichida, derlar «barakot»,
Lekin «barakot»ga kerak xarakat!
Yem, xashak. suvini — bermasang botroq,
Unda «barakot»mas, «bankrotsan» oʼrtoq!
ShАROIT YOʼQ BOʼLGАNDА;
Qaldirgʼochga dedik: -«Qish kelsa nega,
Sen uchib ketasan, issiq oʼlkaga?».
-«Yurtingiz qish payti — ancha sovuqdir,
Shunga, qolay desam — sharoit yoʼqdir!…».
-«Xa, endi tushundik, ayollar nega,
Baʼzan ketib qolar, ota uyiga!…»
«АYBDOR» TELEVIZOR:
Bir qoʼshnim, xech kimga gap bermay kecha,
Yomonladi — televizorni picha.
-«…Pichoqda kimlardir — masalliq kesar,
Kim shu pichoq bilan — boʼlar «yoʼltoʼsar»!
Bu uning jinoyat yoʼlidan darak,
Xoʼsh nega, «pichoq»ni — ayblamoq kerak?…»
ROʼZGʼOR — «GʼOR»:
Аsosan, uylangach — boʼyinda roʼzgʼor,
Toʼldirish qiynagach — deyishadi «gʼor»,
Lekin, masalani, aslo olmang — tor,
Roʼzgʼorni butlashning — ajib gashti bor!…
Аbdulla Pulatov
- Materiallar faqat shaxsiy maqsadlarda foydalanish uchun: Materiallardan tijorat maqsadlarida foydalanish, tarqatish qonun bilan taqiqlanadi.
- «Mualliflik xuquqi va turdosh xuquqlar to‘g‘risida» gi O‘zbekiston Respublikasi Qonuni: № 42 son, 20 iyun. 2006 yil.
© MUALLIF
