«Кредитга гуллар…» (Қизиқарли суратлар — шеърий изохлар билан)

КРЕДИТГА ГУЛЛАР:

Велосипед учрашувга чиқибди қаранг,
Кечга қолиб, хўп кутдириб, улгурди аранг.
-«Мен бу ерга келаётиб, тезлик ошириб,
ДАН ходими, чиқиб қолиб, қўйди шошириб.
Жаримани тўлаб, сўнгра қолмагач пулим,
«Кредит»га гуллар олдим, сен учун Гулим!».

КИМГА НАСИБ ЭТАРКИН:

-«Айтчи лабда нима ушлаб турибди?»
-«Йўқ лабдамас, ахир тишлаб турибди!».

-«Фарқи нима, лабдами ё тишдами,
Тентак фикринг, етмаяпти бир ками!…»

-«Тишидаги бу печенье аслида,
Сўлаклари оқаяпти оғзида.

Луқма кимга насиб этаркин кейин?…»
(Лекин у оғизда эриши тайин!…).

ХАВОТИР:

-«Ўзимиз учаётган самолётни кўряпман,
Қулаб тушади дея, мен хавотир оляпман!…»

-«Ундай бўлса оғайни, ишинг ёмон жуда хам,
Беркитган бойликларинг, биз билан кўргин бахам!…»

ХОВЛИ ТЎЛА ҚОР:

-«Бор эканда йўқ экан, чолу-кампир бор экан,
Бир кун тонгда туришса, ховли тўла қор экан.

Уларнинг набираси, яшар олис шахарда,
Ёрдам беринг уларга — имкон бўлса агарда!…»

Абдулла Пулатов

  • Материаллар фақат шахсий мақсадларда фойдаланиш учун: Материаллардан тижорат мақсадларида фойдаланиш, тарқатиш қонун билан тақиқланади.
  • «Муаллифлик хуқуқи ва турдош хуқуқлар тўғрисида» ги Ўзбекистон Республикаси Қонуни: № 42 сон, 20 июнь. 2006 йил.

© МУАЛЛИФ