УЗУН ОЁҚЛАР:
-«Узун бўлса, гар оёқларинг,
Қисқаради юрар йўлларинг.
Улар гохо халақит берса,
Фойдалидир қўл узун бўлса.
Шунинг учун оёқдан кўра,
«Узун қўл»ни афзал деб қара!…»
ХАЙРАТЛАНИШ:
-«Қараб туриб, ишонмадим кўзимга,
Хатто чимчиб, ишонмадим ўзимга.
«Хўжайин»им ичкиликни ташлабди,
Хурсанд бўлиб, янга кўзин ёшлабди.
Ичмай-чекмай юрган яшайди узоқ,
Бу иккиси, бўлур — умрга тузоқ!…»
АҚЛЛИГИМ — ОППОҒИМ:
-«Кел мушукчам, момиғим,
Ақллигим — оппоғим.
Бўлайин десанг тетик,
Мана — антибиотик.
Ичсанг — бўлмайсан хаста,
Қўшиқ куйлайсан аста,
«Зорька» сигир мисоли,
Соғлом бўласан хали!…»
ШОШИЛМА:
Филча сўрайди шундай:
-«Онажон, бу хол қандай?
Нега ўсяпман — секин?
Сабаби — нима экан?!»
-«Болажоним, шошма кўп,
Катта бўлгач, хали хўп,
Болаликни қўмсайсан,
Ортга қайтмоқ истайсан.
Шунинг учун, қил сабр,
Хар нарсанинг — вақти бор!…»
Абдулла Пулатов
- Материаллар фақат шахсий мақсадларда фойдаланиш учун: Материаллардан тижорат мақсадларида фойдаланиш, тарқатиш қонун билан тақиқланади.
- «Муаллифлик хуқуқи ва турдош хуқуқлар тўғрисида» ги Ўзбекистон Республикаси Қонуни: № 42 сон, 20 июнь. 2006 йил.
© МУАЛЛИФ