Бахорий гўзаллик, бўлсин — Сиз билан,
Уни хамрох этинг, ўзингиз билан.
Сизни тарк этмасин, мустахкам соғлик,
Барча мушкулотлар — Сиз билан боғлиқ.
Қани шарафлайлик. хайдовчи касбин,
Бу касбга керакдир, ирода — метин.
Сиз каби фидойи — аёллар керак,
Туғилган кунингиз — бўлсин муборак!
Қутлаймиз барчанинг номидан Сизни,
Сиздаги латофат лол қилди бизни.
Гарчи бу касб асли — бўлсада оғир,
Уддалаб, Сиз унда — бўлдингиз мохир.
Хизмат вазифангиз, адо этганда,
Нозик қўлларингиз — рулни тутганда,
Автоулов Сизга — бўйсунар енгил,
Таваллуд кунингиз — муборак сингил!
Бугун оиламиз — ховлига сиғмас,
Чин қалбдан қутлашга — сўз хам шарт эмас.
Самимий нигохнинг етарли ўзи,
Нигохда йўғрилгай — шу табрик сўзи.
Автоуловингиз — бўйсунар Сизга,
Табриклар йўллайлик — айёмингизга!
Бизнинг «йўналиш»да — Сиз гул мисоли,
Сиздан бахраманддир — барча ахоли.
Сиз рулни тутганда, яшнар кўчалар,
Қушлар хам мадх этиб, Сизга соз чалар.
«Салон»ингиз доим — нурларга тўлсин,
Таваллуд кунингиз — муборак бўлсин!
Таваллуд кунингиз қутлуғ бўлсин!
Корхонамиз ахли — йиғилиб шартта,
Айём нишонлашга — харакат катта.
Барча хотин-қизлар, хавасда фақат,
Бу касб машаққати — айни хақиқат.
Сиз ўрнак уларга — тўрдасиз бугун,
Совғалар бисёрдир — Сизга бир тугун,
Сизга бахт-саодат — тилаб хар қачон,
Муборак таваллуд — айём опажон!
Абдулла Пулатов
- Материаллар фақат шахсий мақсадларда фойдаланиш учун: Материаллардан тижорат мақсадларида фойдаланиш, тарқатиш қонун билан тақиқланади.
- «Муаллифлик хуқуқи ва турдош хуқуқлар тўғрисида» ги Ўзбекистон Республикаси Қонуни: № 42 сон, 20 июнь. 2006 йил.
© МУАЛЛИФ
