ХАТТО ТОШДА ЎСАДИ ДАРАХТ:
-«Баъзан кўриб, бўласиз карахт,
Хатто тошда — ўсади дарахт.
Акси бўлар, гохида эса:
…Тупроқда хам — кўкармас майса!».
СЭМ-СЭМ ОЧИЛ :
-«Сэм Сэм очил, мен Қосим — қара!»,
-«Бу эртакмас, бўлма масхара!.
Ортга қара, сен ундан кўра,
Бу бор йўғи — оддий шаршара!…».
ОЛТИН БАЛИҚ:
-«Олтин балиқ, мен учун — баланд қадринг,
Тўйдирайин, агар оч бўлса қорнинг!».
-«Гўзал хоним, сен яхшиси — қил шафқат,
Мени ташла, сувли челакка фақат.
Целлофанда нобуд бўлмайин бехос,
Бандиликдан — тезроқ мени қил халос!…».
УНУТИЛИБ ҚОЛИБМИЗ:
-«Буни қаранг, шошиб эгаларимиз,
Оқибатда — унутилиб қолибмиз.
Бизлар Сизни — асраб қуёш нуридан,
Жой оламиз — қалбингизнинг тўридан!…».
Абдулла Пулатов
- Материаллар фақат шахсий мақсадларда фойдаланиш учун: Материаллардан тижорат мақсадларида фойдаланиш, тарқатиш қонун билан тақиқланади.
- «Муаллифлик хуқуқи ва турдош хуқуқлар тўғрисида» ги Ўзбекистон Республикаси Қонуни: № 42 сон, 20 июнь. 2006 йил.
© МУАЛЛИФ
