Ko‘chadagi jazirama va yangi poyabzal oyoqda qadoq paydo bo‘lishiga sabab bo‘ladi. Bunday vaziyatda og‘riqni kamaytirish, yaraning bitishi hamda infeksiya tushmasligi uchun nima qilish kerakligi haqida maslahat berib o‘tamiz.
— Manba: «Daryo» nashri.
Foto: “Domashniy ochag”
Poyabzalni almashtiring
Qanchalik o‘ziga xos ko‘rinmasin, havoga mos deb sotib olingan tufli oyoqda qadoq paydo bo‘lishiga olib keladigan bo‘lsa, undan voz kechgan yaxshi. Buning o‘rniga yangi bo‘lmasa ham oyoqni urmaydigan hamda qulay variantni kiying.
Yaraga ishlov bering
Qadoqni ehtiyotkorlik bilan oqar suv bilan yuving. Keyin esa atrofiga istalgan antiseptik — 3 foizli vodorod peroksidi, spirt yoki yod eritmasi bilan ishlov bering. Yaraning o‘zini tarkibida spirt bo‘lgan eritma bilan artmang. Bu kuyishga olib keladi va yaraning bitishi qiyinlashadi.
Mazdan foydalanmang
Ko‘pchilik istalgan yara bitishi uchun krem yoki mazdan foydalanish kerak deb hisoblaydi. Dermatologlar esa ho‘l yaraning bitishini yomonlashtirgani sabab maz va kremlardan foydalanmaslik kerak deb hisoblaydi.
Foto: “Domashniy ochag”
Plastirdan foydalanish
Havo qancha ko‘p bo‘lsa, zararlangan qism shuncha tez bitadi. Shuning uchun ham qadoq ustiga plastir yopishtirmang. Doka bog‘lam yoki dokasi bor plastirdan esa foydalanishingiz mumkin. Oddiy plastir yopishib qoladi, ko‘chirganda esa terini yanada kuchliroq shikastlaydi.
Bog‘lam va vanna qabul qilish
Bir plastir bilan bir necha kun davomida yurib bo‘lmaydi. Imkon bo‘lishi bilan uni kun o‘rtasida almashtirish, uyqudan avval esa ehtiyotkorlik bilan olib tashlash kerak. Vanna qabul qilganda esa yara yopilgan bo‘lgani yaxshi.
Og‘riqsizlantirish
Arzimasdek tuyulgani bilan kichkina qadoq kechasi og‘riq berishi mumkin. Bunday vaziyatda ibuprofen ayni muddao bo‘lishi mumkin.
Shifokorga murojaat qiling
Qadoqdan paydo bo‘lgan yara bitmasa, og‘rishda davom etsa, infeksiya tushgan bo‘lishi mumkin. Dermatologga murojaat qiling va uning tavsiyalariga amal qiling.
