“Xolodes” foydali bo‘lishiga qaramay, parhez taom hisoblanmaydi. Uni odatda bayramona dasturxonning shohona taomi sifatida iste’mol qilish mumkin. Yangi yil bayramida bekajonlar uchun “xolodes”ning noodatiy retseptlari qo‘l kelishi shubhasiz.
— Manba: «Daryo» nashri.
Mol go‘shti, xantal va xren qo‘shib tayyorlanadigan “xolodes” retsepti
Kerakli mahsulotlar:
- mol go‘shti — 100 gramm;
- mol oyog‘i — 170 gramm;
- mol tuyog‘i — 190 gramm;
- piyoz — 20 gramm;
- sabzi — 15 gramm;
- suv — 600 ml;
- sarimsoq — 2 gramm;
- jelatin — 6 gramm;
- lavr yaprog‘i, murch, tuz.
Tayyorlanish jarayoni:
- Barcha go‘sht mahsulotlari, sabzi, lavr yaprog‘i 10 soat davomida qaynatib olinadi.
- Jelatin bulyonda eriguncha qaynatiladi.
- Suyaklar go‘shtdan ajratib olinadi, tuz, sarimsoq qo‘shiladi va “xolodes” uchun mo‘ljallangan idishlarga solinadi.
- 10 soatga muzlatkichga qo‘yiladi.
- So‘ng xren va xantal bilan birgalikda dasturxonga tortiladi.
Yoqimli ishtaha!
Sarimsoq va ko‘katli “xolodes” retsepti
Kerakli mahsulotlar:
- mol oyog‘i — 2 dona;
- tovuq filesi — 500 gramm;
- suv — 2 litr;
- piyoz — 1 dona;
- sabzi — 1 dona;
- lavr yaprog‘i — dona;
- tuz va ziravorlar.
Tayyorlanish jarayoni:
- Mol oyoqlari qaynatishga qo‘yiladi, ko‘pigi olingach, 6 soat davomida past olovda qaynatiladi.
- Uch soat qaynatilgach tovuq filesi qo‘shiladi.
- Qaynash muddati tugashiga bir soat qolgach tozalangan piyoz, sabzi tuz va ziravorlar solinadi.
- Bulyon tayyor bo‘lgach go‘sht suyaklardan ajratiladi va maydalangan sarimsoq qo‘shiladi.
- Barchasi aralashtirilib, “xolodes” qolipiga quyiladi.
- Ta’bga ko‘ra, qaynatilgan tuxum va ko‘kat qo‘shish mumkin.
Yoqimli ishtaha!
