Pishloqli krem va qumoq xamirdan tayyorlanadigan pechenye mazali ta’mga ega. Mayiz va yong‘oq pishiriqda yanada mazali ta’mni hosil qiladi.
— Manba: «Daryo» nashri.
6 kishilik porsiya uchun kerakli masalliqlar:
- un — 240 g
- shakar — 3 qoshiq
- tuz — yarim qoshiq
- sariyog‘ — 170 g
- pishloqli krem — 170 g
- vanilin — 1 qoshiq
- mayiz — 140 g
- yong‘oq — 140 g
- jigarrang shakar — 2 qoshiq
- maydalangan dolchin — 1 qoshiq
- jem yoki murabbo — 280 g
- tuxum — 1 dona
Tayyorlanishi:
- Unni elakdan o‘tkazing, shakar va tuz bilan aralashtiring. Sariyog‘ni kub shaklida kesib oling, unga pishloqli krem, vanilin va un qo‘shing.
- Har bir narsani qo‘llaringiz bilan maydalab oling va qumoq xamir hosil qiling. Xamirni yarmidan bo‘ling. Har bir qismini to‘pga aylantiring, yopishqoq plyonka bilan o‘rang va 1 soat davomida muzlatgichga qo‘ying.
- Mayiz va yong‘oqni mayda qilib to‘g‘rang, ularni jigarrang shakar va dolchin bilan aralashtiring.
- Xamirning har bir qismini 4-6 mm qalinlikdagi to‘rtburchaklar shaklida qatlamlarga yoyib chiqing. Qatlamlarga murabbo soling va ustiga yong‘oq aralashmasini seping.
- Qatlamlarni ruletlarga aylantiring va 30 daqiqa davomida muzlatkichga qo‘ying.
- Pechni 180 daraja haroratda oldindan qizdirib oling. Listning ustiga pishiriq qog‘ozini yoying. Tuxumni vilka yordamida ko‘pirtiring.
- Ruletni muzlatkichdan olib, ustiga tuxum surting, har bir bo‘lakda 2,5-3 sm oraliqda kesmalar hosil qiling.
- Ruletlarni listga qo‘ying va qizargunga qadar 25-30 daqiqa davomida pishiring. Tayyor bo‘lgan pechenyelarni sovutib oling va to‘liq kesib dasturxong torting.
Yoqimli ishtaha!
