Tovuq filesi, Pekin karami va limon qo‘shib tayyorlanadigan salat ishtahani ochadi. Bedana tuxumlari salatga o‘zgacha ta’m beradi.
— Manba: «Daryo» nashri.
Kerakli masalliqlar:
- tovuq filesi — 1 dona
- bedana tuxumi — 6 dona
- bodring — 1-2 dona
- Pekin karami — 1 dona
- limon — 1 dona
- zaytun yog‘i — 3-4 osh qoshiq
- tuz — ta’bga ko‘ra
- murch — ta’bga ko‘ra
- parmezan yoki boshqacha pishloq — ta’bga ko‘ra
Tayyorlanishi:
- Tovuq filesini 20-25 daqiqa, tuxumni 4-5 daqiqa qaynatib oling. So‘ngra ularni sovitib oling.
- Fileni o‘rtacha, bodringni mayda bo‘laklarga va tuxumni yarmiga bo‘ling. Pekin karamini maydalab to‘g‘rab oling.
- Limondan 1-2 osh qoshiq sharbatni siqib oling va uni zaytun yog‘i bilan aralashtiring.
- Mahsulotlarni idishga soling va ustiga tuz, murch va limonli sousni qo‘shib, sepib aralashtiring.
- Agar xohlasangiz, salatga biroz maydalangan pishloq qo‘shing.
Yoqimli ishtaha!
