Banan va pechenyelar qo‘shib tayyorlanadigan mazali, kremli shirinlik — trayfl nonushta uchun yaxshi tanlov bo‘la oladi. Unga o‘zingizga yoqqan boshqa mevalarni qo‘shishingiz ham mumkin. Trayflga qo‘shiladigan mahsulotlarning ko‘p qismini uyda tayyorlamasdan do‘konlardan sotib olsa bo‘ladi.
— Manba: «Daryo» nashri.
Kerakli masalliqlar:
- makkajo‘xori kraxmali — 3 qoshiq
- shakar — 120 g
- tuz — 1 chimdim
- tuxum — 2 dona
- sut — 500 ml
- vanilin — 1 qoshiq
- 33 foiz yog‘li qaymoq — 500 g
- quyultirilgan sut — 3-4 qoshiq
- oddiy pechenyelar — 350 gr
- banan — 4 dona
Tayyorlanishi:
- Makkajo‘xori kraxmali, shakar, tuz va tuxumni yaxshilab aralashtiring. Sutni qaynating.
- Tuxumning ustiga issiq sutni quying va aralashmani qaynating. Qaynatayotganda aralashtirib turing va 3-4 daqiqa davomida pishiring.
- Kremga vanilin qo‘shib aralashtiring va ustini plyonka bilan yoping. Uni sovutib oling va 3-4 soat davomida muzlatgichga qo‘ying.
- Muzlatgichda turgan qaymoqni mikser bilan ko‘pirtiring va quyultirilgan sutni qo‘shib aralashtiring.
- Quyultirilgan sutli kremni asta-sekinlik bilan qaymoqqa soling. Pechenyelarni maydalang. Bananlarni to‘g‘rab oling.
- Stakanlarga bir qatlamda pechenye soling, ustiga qalin krem qatlamini quying, ichiga banan bo‘laklarini botiring. Trayflning ustiga maydalangan pechenyelarni sepib, 2-3 soat davomida muzlatgichga qo‘ying.
Yoqimli ishtaha!
