Asal qo‘shib tayyorlanadigan ushbu shirinlikka shokolad, qaymoq yoki krem ham qo‘shishingiz mumkin. Yaponcha retseptda esa unga shirin loviya pastasi qo‘shiladi.
— Manba: «Daryo» nashri.
Kerakli masalliqlar:
- tuxum — 4 dona
- shakar — 130 g
- asal — 2 qoshiq
- un — 160 g
- pishiriq kukuni — 1 qoshiq
- suv — 1-2 qoshiq
- o‘simlik yog‘i — 1 qoshiq
- shokolad — 350 g
Tayyorlanishi:
- Tuxum, shakar va asalni mikser yordamida aralashtiring yoki yumshoq, yengil massaga kelgunga qadar ko‘pirtiring.
- Unga pishiriq kukunini qo‘shib elakdan o‘tkazing va tuxumga ikki-uch qoshiq massa qo‘shib, bir xil me’yorga kelguncha aralashtiring.
- Xamirni muzlatgichga 10-15 daqiqaga qo‘ying.
- Tovani oldindan qizdiring, uni juda oz yog‘ bilan yog‘lang. Tovaga uch osh qoshiq xamirni soling.
- Pankeyklarni past olovda 60-90 soniya davomida qovurib oling. Uni boshqa tomonini aylantirib 30-40 soniya pishiring.
- Qolgan pankeykni xuddi shu tarzda qovuring, har safar tovani ozgina yog‘lab oling. Tayyor pankeyklarni nam sochiq bilan yoping, shunda ular quruq bo‘lmaydi.
- Tayyor pankeyklarning yarmining o‘rtasiga taxminan bir qoshiq shokolad soling. Uni ikkinchi yarmi bilan yoping. Pankeyklarni yopishtiring.
- Pankeyklarni yaxshiroq saqlash uchun ularni yupqa selofan bilan mahkam o‘rang va 20-30 daqiqa davomida muzlatgichga qo‘ying.
Yoqimli ishtaha!
