Go‘sht va pishloqdan tayyorlanadigan bulochkaning xamiriga xamirturush qo‘shilganligi sababli yumshoq bo‘ladi. Bulochkalarning o‘zini yoki suyuq taomlar bilan birga iste’mol qilishingiz mumkin.
— Manba: «Daryo» nashri.
Kerakli masalliqlar:
- sut — 150 ml va yana 1 qoshiq
- suv — 150 ml
- xamirni tez achituvchi xamirturush — 7 gr
- shakar — 1 qoshiq
- tuz — ta’bga ko‘ra
- sariyog‘ — 30 g
- un — 450 g
- o‘simlik yog‘i — 2 qoshiq
- piyoz — 1-2 dona
- qiyma — 450 g
- murch — ta’bga ko‘ra
- tuxum — 1 dona
- pishloq — 150 g
- ukrop — ta’bga ko‘ra
Tayyorlanishi:
- Katta idishda 150 ml iliq sut, iliq suv, xamirturush va shakarni aralashtiring. Idish sirtida kichik ko‘pikchalar paydo bo‘lishi kerak.
- Sutga bir choy qoshiq tuz va eritilgan sariyog‘ni qo‘shing.
- Elakdan o‘tkazilgan unni idishga soling va yaxshilab aralashtiring. Xamir yopishqoq bo‘lib qolmasligi kerak.
- Idish va xamirni o‘simlik yog‘ining yarmi bilan yog‘lang. Uni idishga soling, yopishqoq plyonka bilan yoping va 1 soat davomida issiq joyga qo‘ying.
- Piyozni mayda qilib to‘g‘rang. Uni qiyma, tuz va murch bilan aralashtiring.
- Stolga un seping va ustiga xamirni qo‘ying. Uni o‘rama shakliga keltiring va 12 ta teng bo‘laklarga bo‘ling.
- Xamirni to‘pchalarga aylantiring. Ikkita listga pergament qog‘ozini o‘rab, xamir bo‘laklarini oraliq masofada terib chiqing.
- Xamirning o‘rta qismini yengil bosing. Uni sochiq bilan yoping va 30 daqiqaga qoldiring.
- Stakanning pastki qismini xamirga botiring. Har bir to‘pcha shaklidagi xamirda chuqurchalar hosil qiling.
- Bir choy qoshiq sut bilan tuxumni ko‘pirtiring. Xamirlarning chetlarini yog‘lang. Qiymani xamirning ichkarisiga soling va yana biroz yog‘lang.
- Xamirni 30 daqiqa davomida 180 daraja haroratda oldindan qizdirilgan pechga qo‘ying. Qirg‘ichdan o‘tkazilgan pishloq va to‘g‘ralgan ukrop aralashmasini to‘pchalar ustiga seping. Bulochkalarni yana 5-10 daqiqa pishirib oling.
Yoqimli ishtaha!
