Bulgur, mol go‘shti va sabzavotlardan tayyorlanadigan sho‘rva mazali ta’mga ega. Taomga o‘zingizga yoqqan sabzavotlarni va ko‘katlarni qo‘shsangiz ham bo‘ladi.
— Manba: «Daryo» nashri.
Kerakli masalliqlar:
- lahm mol go‘shti — 450 g
- piyoz — 1 dona
- sabzi — 1-2 dona
- seldrey — ta’bga ko‘ra
- sariyog‘ — 1 qoshiq
- un — 2 qoshiq
- tuz — ta’bga ko‘ra
- murch — ta’bga ko‘ra
- paprika — ta’bga ko‘ra
- quritilgan sarimsoq — bir qoshiqning to‘rtdan bir qismi
- mol go‘shti solib pishirilgan sho‘rva yoki suv — 1 l
- rozmarin — ta’bga ko‘ra
- bulgur — bir stakanning to‘rtdan uch qismi
Tayyorlanishi:
- Mol go‘shtini o‘rtacha bo‘laklarga, piyoz, sabzi va seldreyni esa mayda qilib to‘g‘rab oling.
- Sariyog‘ni o‘rtacha olovda, qalin tag qismga ega bo‘lgan idishda eriting. Go‘shtni solib, har tomonlama qovurib oling.
- Idishga piyozni soling va yumshoq bo‘lgunga qadar qovuring.
- Un bilan ziravorlarni aralashtiring. Mahsulotlarni idishga soling.
- Sho‘rvaning ichiga rozmarin soling. Qaynagandan keyin olovni pasaytiring va go‘sht yumshoq bo‘lgunga qadar 25-30 daqiqa davomida qopqoq ostida pishiring.
- Sho‘rvaga sabzi, bulgur va seldreyni soling. Taomni sabzavotlar yumshoq pishgunga qadar, ya’ni 15-20 daqiqa davomida pishiring.
- Rozmarinni sho‘rvadan olib tashlang, agar kerak bo‘lsa biroz tuz qo‘shing.
Yoqimli ishtaha!
