Ushbu taomga dudlangan go‘sht, limon sharbati va limonning po‘stlog‘i qo‘shilsa o‘zgacha ta’m hosil bo‘ladi. Taomga o‘zingiz yoqtirgan ko‘katlarni qo‘shishingiz mumkin.
— Manba: «Daryo» nashri.
Kerakli masalliqlar:
- dudlangan go‘sht — 3-4 bo‘lak
- piyoz — 1 dona
- pomidor sharbati — 600 g
- tovuq filesi — 400 g
- sabzi — 2 dona
- limon — 1 dona
- quritilgan bibariya — 1-2 chimdim
- tovuq sho‘rvasi — 500 ml
- tuz — ta’bga ko‘ra
- murch — ta’bga ko‘ra
Tayyorlanishi:
- Dudlangan go‘sht, piyoz va pomidorni mayda bo‘laklarga va tovuq filesini o‘rta bo‘laklarga bo‘lib oling. Sabzini qirg‘ichdan o‘tkazing.
- Limonni po‘stlog‘idan ajrating va qolgan qismidagi sharbatni siqib oling.
- O‘rtacha olovda o‘simlik yog‘ini qizdiring. Piyoz, sabzi va dudlangan go‘shtni qovuring. Sabzavotlarni yumshaguncha pishiring.
- Unga pomidor sharbati, bibariya, limon sharbati, tovuq go‘shti va limon po‘stlog‘i qo‘shing.
- Hamma mahsulotlarning ustiga tovuq sho‘rvasini quying. Tuz va murch qo‘shib aralashtiring. Taomni taxminan 15-20 daqiqa davomida o‘rtacha olovda idish qopqog‘ini yopib pishiring.
Yoqimli ishtaha!
