Bu pitssalar bir soatdan kamroq vaqt ichida tayyor bo‘ladi. Bundan tashqari, taom ishtahani ochuvchi hidga va mazali ta’mga ega. Unga o‘zingizga yoqqan boshqa sabzavotlarni ham qo‘shishingiz mumkin.
— Manba: «Daryo» nashri.
Kerakli masalliqlar:
- un — 120 g
- tuz — bir chimdim
- pishiriq kukuni — yarim qoshiq
- yogurt — 120 g
- o‘simlik yog‘i — 1 qoshiq
- tomat qaylasi — 3 qoshiq
- pishloq — 30 g
- cherri pomidori — ta’bga ko‘ra
Tayyorlanishi:
- Pechni 200 daraja haroratda oldindan qizdiring. Listga pergament qog‘ozi soling.
- Unni elakdan o‘tkazing va tuz, pishiriq kukuni bilan aralashtiring. Unga yogurt va o‘simlik yog‘ini qo‘shing. Xamirni yumshoq qilib qoring.
- Xamirni diametri 10-12 sm bo‘lgan ikkita kichik keklarga yoyib, pishirish varag‘iga qo‘ying va ustiga tomat qaylasini surting.
- Pishloqni mayda tishli qirg‘ichdan o‘tkazing, xamir ustiga seping. So‘ngra ta’bingizga ko‘ra cherri pomidorlarni xamirning ustidan terib chiqing.
- Pitssalarni qizargunga qadar 15-20 daqiqa davomida pishiring.
Yoqimli ishtaha!
