“Noviy ochag” nashri navbatdagi xushta’m va ishtaha ochar taom retsepti bilan bo‘lishdi. Sarma taomi kechki ovqat hamda bayram dasturxoni uchun ayni muddao.
— Manba: «Daryo» nashri.
Kerakli mahsulotlar:
- suyakli qo‘y go‘shti — 1 kilogramm;
- piyoz — 3 dona;
- karam — 1 dona.
Nachinka uchun:
- qo‘y go‘shti qiymasi — 500 gramm;
- guruch — 250 gramm;
- bulg‘or qalampiri — 250 gramm;
- piyoz — 2-3 dona;
- o‘simlik yog‘i — 200 ml;
- tomat pastasi — 100 ml.
- timyan, yalpiz, tuz va ziravorlar.
Dimlash uchun:
- selder — 2-3 dona;
- sabzi — 1 dona;
- sarimsoq — 3-4 dona;
- petrushka — 4-5 dona.
Tayyorlanish jarayoni:
- Nachinka uchun piyozning yarmi, sarimsoq mayda to‘g‘raladi, timyan va yalpiz qo‘shiladi, ziravorlar bilan birgalikda qo‘y go‘shti qiymasiga aralashtiriladi.
- Karamning barglari ehtiyotkorlik bilan ajratib olinadi.
- Idishda suv qaynatiladi. Qaynab chiqqach karam barglari yumshaguncha pishiriladi.
- Piyoz parrak shaklda to‘g‘raladi, suyakli go‘sht (katta bo‘laklarga bo‘linadi), qizarguncha piyoz bilan qovuriladi.
- Keyin 3 litr suv quyib, qaynatib olinadi va taxminan 30 daqiqa davomida qaynash uchun qoldiriladi.
- Sarma tayyorlash uchun 2 osh qoshiq nachinka karam bargi ustiga qo‘yiladi va rulet shaklida o‘raladi.
- Alohida idishning pastki qismiga selder, petrushka, maydalangan sarimsoq, sarma, qaynatilgan go‘sht teriladi. Barcha masalliqlar tugaguncha qatlam takrorlanadi.
- So‘ngra barcha mahsulot ustidan bulyon quyiladi. Taom qaynab chiqqach, taxminan bir soat davomida past olovda pishiriladi.
- Sarma tayyor bo‘lgach ta’bga ko‘ra ko‘katlar bilan bezatib, dasturxonga tortish mumkin.
Yoqimli ishtaha!
