Sabzavotlar va quritilgan yalpiz qo‘shilgan yoqimli ta’mga ega sho‘rva tez va oson tayyorlanadi. Unga o‘zingizga yoqqan ko‘katlarni ham qo‘shishingiz mumkin.
— Manba: «Daryo» nashri.
Kerakli masalliqlar:
- bulg‘or qalampiri — 1 dona
- piyoz — 1 dona
- pomidor — 1-2 dona
- sarimsoq — 1 donacha
- o‘simlik yog‘i — 2 qoshiq
- mol go‘shti qiymasi
- tomat pastasi — 3-4 qoshiq
- suv — 1200-1400 ml
- vermishel — 50-60 g
- tuz — ta’bga ko‘ra
- quritilgan yalpiz — 1 qoshiq
Tayyorlanishi:
- Bulg‘or qalampiri va piyozni mayda qilib to‘g‘rang, pomidorni esa o‘rtacha kattalikda kesib oling. Sarimsoqni ham maydalang.
- O‘simlik yog‘ini o‘rtacha olovda tovada qizdiring. Bulg‘or qalampiri, piyozni yumshoq bo‘lgunga qadar qovuring, ustiga sarimsoq qo‘shing va yana yarim daqiqa davomida pishiring.
- Uning ustiga qiymani qo‘shing va 4-5 daqiqa davomida qovuring. Barcha mahsulotlarni aralashtiring va qiymaning katta bo‘laklarini maydalang. Sho‘rva uchun yog‘li bo‘lmagan qiymani tanlagan ma’qul.
- Unga tomat pastasini qo‘shing va bir yarim daqiqadan so‘ng pomidor soling. Yana 3-5 daqiqa davomida pishiring.
- Qovurilayotgan mahsulotlarning ustiga suv soling, qaynagandan keyin vermishel qo‘shing. So‘ngra taxminan 5 daqiqa davomida o‘rtacha olovda pishiring.
- Sho‘rvaga tuz, quritilgan yalpiz soling va aralashtiring, birozdan keyin sho‘rvani tanovvul qiling.
Yoqimli ishtaha!
