Ushu pishiriq shakl jihatidan Amerikaning klassik chizkeyklariga o‘xshamaydi, lekin mazasi uni ortda qoldirishi mumkin. Bananli chizkeykka o‘zingiz yoqtirgan mevalarni qo‘shsangiz ham bo‘ladi.
— Manba: «Daryo» nashri.
Kerakli masalliqlar:
- pechenye — 350 g
- sariyog‘ — 80 g
- jelatin — 2 choy qoshiq
- suv — 60 ml
- banan — 3 dona
- tvorog — 400 g
- smetana — 150 g
- shakar upasi — 150 g
- ta’bingizga qarab shokolad qo‘shishingiz mumkin
Tayyorlanishi:
- Diametri 22-25 sm bo‘lgan pergament qog‘ozini oling.
- Pechenyelarni maydalang. Sariyog‘ni eritib, pechenye bilan aralashtiring.
- Qolipga quying va bir tekis bo‘lishi uchun qoshiq bilan tekislang. Uni 30-40 daqiqa muzlatgichga qo‘ying.
- Jelatinni iliq suvda 15-20 daqiqa yumshatib oling.
- Bananlarni vilkalar bilan maydalang. Tvorogni ham aralashtirib mayda bo‘laklarga bo‘ling. Jelatinni mikroto‘lqinli pechda eritib oling.
- Tvorog, banan, jelatin, smetana va shakarni aralashtiring. Aralashmani mikser bilan yaxshilab uring.
- Agar xohlasangiz, eritilgan shokolad qo‘shing. Massani qolipga to‘king. Uni oziq-ovqat plyonkasi bilan yoping va 4-5 soat davomida muzlatgichga qo‘ying.
Yoqimli ishtaha!
