Vitaminlarga boy, turli xil sabzavotlar va sosiskadan tayyorlanadigan ushbu taom mazali ta’mga ega. Unga o‘zingiz yoqtirgan ko‘katlarni qo‘shishingiz mumkin.
— Manba: «Daryo» nashri.
Kerakli masalliqlar:
- piyoz — 2 dona
- bulg‘or qalampiri — 3 dona
- sosiska — 420 g
- zaytun moyi — 1 qoshiq
- sariyog‘ — 1 qoshiq
- tuz — ta’bga ko‘ra
- suv — 120 ml
- asal — 1 qoshiq
- maydalangan qizil qalampir — 1 qoshiqning 4 dan 1 qismi
- murch — ta’bga ko’ra
- pomidor — o‘z qaylasida aralashtirilganidan 450 g
- ko‘k piyoz — 3-4 bog‘
Tayyorlanishi:
- Piyozni tozalang va mayda qilib to‘g‘rang. Bulg‘or qalampirini dumaloq shaklda kesib oling. Sosiskalarni ham dumaloq shakli bo‘yicha bo‘laklarga ajrating. Taom yorqinroq ko‘rinishi uchun turli rangdagi bulg‘ori qalampiridan foydalaning.
- Zaytun moyi va sariyog‘ni tovada qizdirib oling. Sabzavotlar, sosiskani soling va unga tuz qo‘shib vaqti-vaqti bilan aralashtiring, masalliqlarni 20 daqiqa davomida past olovda qovuring.
- Sabzavotlar yumshaganda suv quying, keyin asal, maydalangan qizil qalampir, murch, qaylasi bilan aralashtirilgan pomidor soling va yaxshilab aralashtiring.
- Issiqlikni eng past darajaga tushiring va 10-15 daqiqa masalliqlarni pishiring. Tayyor bo‘lgan raguning ustiga ko‘k piyozni seping va qaynatilgan guruch yoki boshqa garnir bilan iste’mol qiling.
Yoqimli ishtaha!
