Lifehacker nashri taqdim etgan navbatdagi retsept juda ajoyib: qo‘ziqorin, qaymoqli sous, pishloq va tovuq filesi bilan uyg‘unlikdagi yangi ta’mdan bahramand bo‘ling.
— Manba: «Daryo» nashri.
Kerakli mahsulotlar:
- tovuq filesi — 600 gramm;
- qo‘ziqorin — 500 gramm;
- piyoz — 1-2 dona;
- o‘simlik yog‘i — 2 osh qoshiq;
- un — 2 osh qoshiq;
- sariyog‘ — 80 gramm;
- qaymoq — 500 ml;
- pishloq — 250-300 gramm;
- tuz va ziravorlar.
Tayyorlanish jarayoni:
- Tovuq go‘shti tuzli suvda taxminan 20-30 daqiqa qaynatib olinadi. So‘ngra kichik bo‘laklarga bo‘linadi.
- Qo‘ziqorinlar mayda, piyoz esa parrak qilib to‘g‘raladi.
- O‘simlik yog‘i tovada qizdirilib, piyoz 3-4 daqiqa davomida qizartirmasdan qovuriladi.
- Ustidan qo‘ziqorin qo‘shiladi va 5-7 daqiqa davomida pishiriladi.
- Tuz va ziravorlar qo‘shilib, aralashtiriladi.
- Tovada un alohida qovuriladi va sariyog‘ bilan aralashtiriladi. Ustidan qaymoq qo‘shiladi va quyuqlashguncha 5-7 daqiqa davomida pishiriladi. Yana biroz tuz va ziravorlar qo‘shiladi.
- Tovuq filesi, qo‘ziqorin va piyoz qolipga solib, aralashtiriladi. Ustidan qaymoqli sous quyiladi va qirg‘ichdan o‘tkazilgan pishloq sepiladi.
- Taxminan 20-25 daqiqa davomida 180 daraja pechda pishiriladi.
Yoqimli ishtaha!
