Mazkur retsept yordamida qarsildoq kartoshka fri tayyorlab, oila a’zolaringizni xushnud qiling.
— Manba: «Daryo» nashri.
Kerakli mahsulotlar:
- kartoshka —7-8 ta;
- o‘simlik yog‘i;
- tuz;
- shakar kukuni.
Tayyorlanish jarayoni:
- Tozalangan kartoshkalarni qalinligi 6-7 mm bo‘lgan plastinkalarga bo‘linadi. Keyin bir xil qalinlikda somoncha shaklida kesiladi. Bir xil kesishga harakat qiling. Yupqa bo‘laklar tez pishib, kuyishi mumkin.
- To‘g‘ralgan kartoshkalarni shakar va tuz aralashtirilgan suvga soling. Kartoshkadagi kraxmalni yuvish muhim ahamiyatga ega: qovurayotganda bir-biriga yopishib qolmaydi.
- Idishdagi kartoshkalarni qog‘oz salfetka ustiga oling va sochiq bilan quriting. Qovurayotganda yog‘ sachramasligini uchun yaxshilab quritish kerak.
- Tovaga o‘simlik yog‘i quying. Yog‘ yaxshilab qizigach, kartoshkalarni siyrak qilib soling.
- Rafinadlangan kungaboqar yoki zaytun moyidan foydalaning. Qayta ishlanmagan yog‘ ovqat ta’mini buzadi.
- Qovurish jarayonida tayoqchalarni kapgir bilan aylantiring. Bir tekisda qizarishi uchun 5-7 daqiqa qovuring.
- Ortiqcha yog‘ni olib tashlash uchun tayyor gazakni qog‘oz salfetka ustiga qo‘ying.
- Issiqligida tuz seping, ketchup bilan dasturxonga torting.
Yoqimli ishtaha!
