Odatiy, ammo hamisha sevib iste’mol qilinadigan makaronli taomni birgalikda tayyorlaymiz.
— Manba: «Daryo» nashri.
Kerakli mahsulotlar:
- makaron – 400 gramm;
- o‘simlik yog‘i – 3 osh qoshiq;
- piyoz – 2 dona;
- sarimsoq – 2 bo‘lak;
- sabzi – 2 dona;
- mol go‘shti tushyonkasi– 300-350 gramm;
- tuz va ziravorlar, chili qalampiri.
Tayyorlanish jarayoni:
- Bir osh qoshiq yog‘ solib, sho‘r suvda makaron qaynatib olinadi.
- Yog‘ning qolgan qismi tovaga quyiladi.
- Piyoz yarim halqa shaklida to‘g‘rab, sarimsoq qo‘shiladi.
- Sabzi ham mayda to‘g‘raladi va sabzavotlarga qo‘shib, yog‘da qovuriladi.
- Chili mayda to‘g‘ralib, tovaga solinadi va ustidan turli xil ziravorlar sepiladi.
- Tushyonka ham tovaga solinadi v sabzavotlar bilan aralashtirilib, 5 daqiqa qaynatib olinadi.
- Makaron pishgach, suvi to‘kiladi va tovaga solib, yaxshilab aralashtiriladi.
Yoqimli ishtaha!
