To‘yimli mahsulotlar qo‘shib tayyorlanadigan ushbu salatni ovqat o‘rniga ham iste’mol qilsangiz bo‘ladi.
— Manba: «Daryo» nashri.
Kerakli mahsulotlar:
- mol go‘shti — 250-300 g;
- lavlagi — 1-2 dona;
- kartoshka — 3 dona;
- sabzi — 1 dona;
- tuxum — 3 dona;
- tuz, murch;
- mayonez;
- anor donachalari — 1-2 qoshiq.
Tayyorlanish jarayoni
- Qaynatilgan mol go‘shtini bo‘laklarga bo‘ling.
- Qaynatib pishirilgan lavlagi, kartoshka va sabzini alohida qirg‘ichdan chiqaring.
- Qirg‘ichdan chiqarilgan kartoshkaga tuxumning oqini qo‘shing, mayonez, tuz va murch qo‘shing.
- Idishga birinchi go‘shtni bir qavat qilib soling.
- Keyin tuxum oqi aralashtirilgan kartoshka qo‘shing.
- So‘ngra lavlagi va sabzi soling.
- Ustidan mayonez qo‘shing.
- Qirg‘ichdan chiqarilgan tuxum sarig‘i soling.
- Maydalangan ko‘katlar va anor donachalari bilan bezang.
- 2-3 soat muzlatkichda turgandan keyin dasturxonga tortsangiz bo‘ladi.
Yoqimli ishtaha!
