Mikroto‘lqinli pechda pishirish mumkin bo‘lgan mazali shirinlik retseptini e’tiboringizga havola qilamiz.
— Manba: «Daryo» nashri.
Kerakli mahsulotlar:
- qora shokolad — 75 g;
- sariyog‘ — 50 g;
- shakar kukuni — 50 g;
- un — 50 g;
- tuxum — 1 dona;
- olcha — 50 g (muzlatilganidan foydalansa ham bo‘ladi);
- razrixlitel — 0,5 choy qoshiq;
- konservalangan olcha sharbati — 2 osh qoshiq.
Tayyorlanish jarayoni
- Shokolad va sariyog‘ni bir-biridan alohida eritib oling.
- Shokoladga tuxum va shakar kukuni qo‘shing.
- Un, razrixlitel, olcha va olcha sharbati qo‘shib aralashtiring.
- Ikkita krujkani olib chetlariga sariyog‘ surting.
- Aralashmani yarimdan ko‘proq qilib solib, ustini yoping.
- Ustidan qandolat plyonkasi bilan o‘rab, 2 daqiqaga mikroto‘lqinli pechga qo‘ying.
- Plyonkani olib yana 30 soniyaga qo‘ying.
- Aralashma ko‘tarilishi kerak.
- Ustini oq shokolad yoki mevalar bilan bezasangiz bo‘ladi.
Yoqimli ishtaha!
