To‘yimli va mazali taom retseptini e’tiboringizga havola qilamiz.
— Manba: «Daryo» nashri.
Kerakli mahsulotlar:
- tovuq filesi — 350-400 g;
- qovoq — 400 g;
- kartoshka — 3-4 dona;
- piyoz — 1 dona;
- o‘simlik yog‘i — 2 osh qoshiq;
- tuz, murch;
- tovuq bulyoni yoki suv — 200-250 ml;
- ko‘katlar.
Tayyorlanish jarayoni
- Mahsulotlarning barini o‘rtacha kattalikda to‘g‘rang.
- O‘simlik solingan tovada piyozni qovurib oling.
- Tovuq go‘shtini qo‘shib qovurishda davom eting.
- Qovoq va kartoshkani qo‘shing.
- Tuz, murch sepib, ustidan bulyon soling.
- Qaynab chiqqanidan keyin 25 daqiqa qopqog‘ini yopib pishiring.
- Ko‘katlar bilan bezab dasturxonga torting.
Yoqimli ishtaha!
