Yengil hazm bo‘lishi bilan birga, qorinni to‘q tutish xususiyatiga ham ega bo‘lgan salat retseptini e’tiboringizga havola qilamiz.
— Manba: «Daryo» nashri.
Kerakli mahsulotlar:
- bodring — 600 g;
- file — 400 g;
- bulg‘ori qalampiri — 1 dona;
- piyoz — 1 dona;
- sarimsoq piyoz — 2 dona;
- o‘simlik yog‘i — 4 osh qoshiq;
- soya sousi — 3 qoshiq;
- qora va qizil murch;
- shakar — 1 osh qoshiq;
- sirka — (9 foizli) 2 osh qoshiq;
- tuz.
Tayyorlanish jarayoni
- Yirik-yirik to‘g‘ralgan bodringga 1 choy qoshiq tuz solib aralashtiring, 10-15 daqiqaga qoldiring.
- O‘simlik yog‘i solingan tovada somoncha shaklida to‘g‘ralgan go‘shtni qovurib oling.
- Yarim dumaloq shaklda to‘g‘ralgan piyozni qo‘shib qovurishda davom eting.
- Somoncha shaklida to‘g‘ralgan bulg‘ori qalampiri va soya qo‘shib aralashtiring.
- Maydalangan sarimsoq qo‘shing.
- Pishganidan keyin ajralgan suyuqlikni to‘kib tashlang.
- Bodring qo‘shib aralashtiring.
- Tuz, murch, shakar va sirka qo‘shing.
- Yaxshilab aralashtirib, 2-3 soatga sovitkichga qo‘ying.
Yoqimli ishtaha!
