Mazkur sho‘rvaning yoqimli ta’mi anchagacha og‘zingizda qoladi.
— Manba: «Daryo» nashri.
Kerakli mahsulotlar:
- mol go‘shti — 500 g;
- kartoshka — 3-4 dona;
- pomidor — 2 ta;
- bulg‘ori qalampiri — 1 dona;
- piyoz — 1 dona;
- achchiq qalampir — 1 dona;
- sabzi — 1-2 dona;
- sarimsoq — 5 bo‘lak;
- suv — 1-1,5 l;
- tuz;
- achchiq qizil qalampir;
- ko‘katlar.
Tayyorlanish jarayoni:
- Go‘sht, kartoshka, pomidor va bulg‘ori qalampirini o‘rta, piyoz va achchiq qalampirni mayda bo‘laklarga bo‘ling.
- Sabzini katta yoki o‘rta qirg‘ichdan o‘tkazing. Sarimsoqni esa maydalab ezing.
- Ko‘zachalarga go‘sht va sabzavotlarni soling. Tuz, qalampir solib, suv quying.
- Idish qopqoqlarini yopib, oldindan qizdirilgan 180 darajali pechga 1 soatga qo‘ying. Agar go‘sht yetarlicha yumshoq bo‘lmasa, sho‘rvani yana 15-20 daqiqa pishiring.
- Dasturxonga tortishdan avval ko‘katlar bilan bezang.
Yoqimli ishtaha!
