Pomidor sousi va qovurilgan baqlajon ichida pishgan qiymali mazkur turkcha taom dasturxoningizni bezaydi.
— Manba: «Daryo» nashri.
Kerakli mahsulotlar:
- piyoz — 1 dona;
- petrushka — ½ bog‘;
- sarimsoq — 5 bo‘lak;
- qiyma — 600 g;
- non tolqoni — 3-4 osh qoshiq;
- tuxum — 1 dona;
- murch — 1 osh qoshiq;
- zira — 1 osh qoshiq;
- baqlajon — 5 ta;
- o‘simlik moyi — 70-100 ml
- tomat pastasi — 1,5 osh qoshiq;
- suv — 500 ml
- pomidor sharbati — 220 g;
- cherri pomidorlari — 25-30 dona;
- tuz.
Tayyorlanish jarayoni:
- Piyozni mayda “kubik” shaklida, petrushka va sarimsoqni ham maydalab to‘g‘rang.
- Qiymaga to‘g‘ralgan piyoz, petrushka, non tolqoni, tuxum, tuz, ziravorlar va sarimsoqning yarmini solib aralashtiring.
- Aralashmadan katta bo‘lmagan sharchalar yasab, muzlatkichga 30-40 daqiqaga qo‘ying.
- Baqlajonni yupqa uzun bo‘laklarga bo‘lib, tillarang bo‘lguncha qovurib oling.
- Yog‘ini shimdirib olishi uchun ulrni qog‘oz salfetkalarga qo‘ying.
- Tovaga 2-3 qoshiq yog‘ solib, qiymali sharchlarni ikki tomonini qizartirib qovuring.
- Sharchalarni likopga olib, uning yog‘iga tomat pastasini soling.
- Pastani 1 daqiqa qovurib, ustiga 250 ml qaynoq suv va sarimsoqning yarmini solib, 2-3 daqiqaga dimlang.
- Tovadagi mahsulotga pomidor sharbatini ham qo‘shib, 5-6 daqiqaga pishiring.
- Gaz pechini 220 darajaga qizdirib, patnisga baqlajonlarni perpendikulyar qilib terib chiqing.
- Baqlajon o‘rtasiga sharchalarni qo‘yib, atrojini baqlajon bo‘laklari bilan yoping.
- O‘ralgan baqlajonlar ustiga cherri pomidorini tish tozalagich yordamida tiqib chiqing.
- So‘ngra baqlajonlar atrofiga pomidor sharbati va 250 ml qaynoq suv quying.
- Taomni 30-35 daqiqa davomida dimlab pishiring.
Yoqimli ishtaha!
