Yumshoq bulochkalar bolajonlar-u kattalarning eng sevimli shirinligidir. Banan qo‘shib tayyorlanadigan ushbu yegulik bilan oila a’zolaringizni xursand qiling.
— Manba: «Daryo» nashri.
Kerakli mahsulotlar:
- banan — 2 dona;
- tuxum — 1 dona;
- xamirturush kukuni — 1 osh qoshiq;
- sariyog‘ — 2 osh qoshiq;
- mayiz — 50 gramm;
- un — 350 gramm;
- tuz — 1/2 choy qoshiq;
- shakar upasi — 1 osh qoshiq.
Tayyorlanish jarayoni:
- Tozalangan banalar sanchqi yordamida maydalanadi va tuxum qo‘shilib, silliq holga kelgunga qadar ko‘pirtiriladi.
- So‘ngra xamirtirish, eritilgan sariyog‘ va mayiz solib, aralashtiriladi.
- Mayiz o‘rniga boshqa meva yoki yong‘oq ham qo‘shish mumkin.
- Ustidan un va tuz sepib, yumshoq xamir qoriladi.
- Usti sochiq bilan yopilib, 60—90 daqiqaga iliq joyga qo‘yiladi.
- Xamir ikki baravar ko‘payganda, 8—10 bo‘lakka bo‘linadi. Har bir bo‘lak dumaloq shaklga keltiriladi.
- Xamir bo‘laklari qandolat idishiga joylashtirilib, yana 45 daqiqaga qoldiriladi.
- 190 daraja qizdirilgan pechda 15—20 daqiqa davomida pishiriladi. Yuzasi qizarib pishgach, shakar upasi ta’bga ko‘ra sepiladi.
Yoqimli ishtaha!
