Mazkur ishtaha ochar salat asosiy taom va yaxna gazaklar uchun qo‘shimcha yegulik o‘rnini bosadi.
— Manba: «Daryo» nashri.
Kerakli mahsulotlar:
- sabzi — 1 kg;
- qand upasi — 1 osh qoshiq;
- tuz— 1 osh qoshiq;
- sirka 3% — 1 osh qoshiq;
- maydalangan kashnich — 1 choy qoshiq;
- achchiq garmdori — 1 dona;
- sarimsoq — 1 bosh;
- kunjut — 1 osh qoshiq;
- piyoz — 1 dona;
- o‘simlik yog‘i — 50 ml.
Tayyorlanish jarayoni:
- Archilgan sabzini qirg‘ichdan o‘tkazing.
- Sabziga tuz va shakar qo‘shing va 20-30 daqiqaga qoldiring. So‘ngra ajralgan suvini to‘kib tashlang.
- Achchiq qalampirni urug‘laridan tozalab, mayda bo‘laklarga bo‘ling.
- Sarimsoqni qirg‘ichdan chiqaring yoki ezib maydalang.
- Piyozni ham to‘g‘rab oling.
- Qizigan yog‘da piyozni qovurib oling, so‘ngra piyozlarni olib tashlang. Yog‘ga kunjut urug‘larini soling.
- Idishga sabzi, sarimsoq, qalampir va kashnich solib, ustidan qizigan yog‘ni quying.
- Oxirida sirka qo‘shib, mahsulotlar ustiga og‘irroq narsa bostirib qo‘ying.
Yoqimli ishtaha!
