Bulg‘or qalampiri vitaminlarga boyligi bilan birga, undan turli xil mazali taom va salatlar tayyorlash mumkin. Navbatdagi mazali taom ham aynan bulg‘or qalampiri yordamida tayyorlanadi.
— Manba: «Daryo» nashri.
Kerakli mahsulotlar:
- bulg‘or qalampiri — 1 dona;
- tuxum — 2 dona;
- kartoshka — 2 dona;
- piyoz — 1 dona;
- sarimsoq — 3 bo‘lak;
- zaytun yog‘i va tuz.
Tayyorlanish jarayoni: Bulg‘or qalampiri ikkiga bo‘linib, tozalanadi. Bulg‘orilar folga qog‘ozi ustiga qo‘yilib, zaytun yog‘i va tuz sepiladi. 180 daraja pechga 15 daqiqaga qo‘yiladi.
”Piyoz va sarimsoq tozalanib, mayda to‘g‘raladi. Tovada biroz qovurib olinadi.
”Kartoshka ham tozalanadi va parrak shaklida to‘g‘ralib, piyoz va sarimsoq ustidan solinadi. Biroz tuz qo‘shib qovuriladi.
”Qovurilgan aralashma bulg‘orilar ichiga solinadi va yana 20 daqiqaga pechga qo‘yiladi.
”Bulg‘orilar pechdan olinib, ustiga tuxum chaqiladi va yana 8 daqiqaga qo‘yiladi.
”Tayyor bo‘lgach, issiqligicha dasturxonga tortiladi.
Yoqimli ishtaha!
