Ноодатий салат билан байрам дастурхонини безанг.
— Manba: «Daryo» nashri.
Керакли маҳсулотлар:
- картошка — 3-4 дона;
- сабзи — 2 дона;
- тухум — 3-4 дона;
- дудланган товуқ — 300-350 г;
- майонез;
- шивит;
- клюква;
- анор доначалари;
- консерваланган жўхори.
Тайёрланиш жараёни
- Картошка, сабзи ва тухумни қайнатиб пишириб олинг.
- Товуқ гўштини унча катта бўлмаган бўлакларга бўлинг.
- Сабзи ва тухумнинг оқидан бироз безак учун олиб қўйиб, қолганини қирғичдан чиқаринг.
- Идишга картошкани арча шаклида солиб чиқинг.
- Кейин товуқ гўшти, тухум ва сабзини ҳам картошка устидан солиб чиқинг.
- Ҳар бир қаватдан аввал ва кейин майонез суртишни унутманг.
- 2-3 соатга совиткичга қўйинг.
- Шивитни майдаланг, тухумнинг оқи ва сабзидан кичкина юлдузчалар ясаб олинг.
- Салатнинг устини шивит билан қопланг.
- Майонез, сабзидан ясалган юлдузчалар, анор доначалари ва жўхори билан безанг.
Ёқимли иштаҳа!
