Sabzavotlar bilan qovurilgan qo‘ziqorin taomga ajoyib hid, eritilgan pishloq esa qaymoqli ta’m bag‘ishlaydi.
— Manba: «Daryo» nashri.
Kerakli mhsulotlar:
- qo‘ziqorin – 400 gramm;
- kartoshka 4-5 dona;
- piyoz – 1 dona;
- sabzi – 1 dona;
- o‘simlik yog‘i – 2-3 qoshiq;
- bulyon – 2 litr;
- pishloq – 200 gramm;
- ko‘kat, tuz va ziravorlar.
Tayyorlanish jarayoni:
- Qo‘ziqorin va kartoshka o‘rtacha kattalikda, piyoz esa mayda to‘g‘raladi. Sabzi qirg‘ichdan o‘tkaziladi.
- O‘simlik yog‘ida avval qo‘ziqorin qovuriladi. Ustidan piyoz va sabzi qo‘shiladi. Sabzavotlar yumshagunga qadar qovuriladi.
- Alohida idishda bulyon qaynatib olinadi. Ichiga kartoshka solib, 7-10 daqiqa qaynatiladi. So‘ngra qovurilgan qo‘ziqorin va ziravorlar qo‘shiladi. Bir necha daqiqa qaynatiladi.
- Sho‘rvaga pishloq solinadi va eriguncha qaynatiladi.
- Dasturxonga tortishdan avval ko‘katlar bilan bezatiladi.
Yoqimli ishtaha!
