Фарзандлар келажагин,
Ташвишида гохида,
Сухбат қурар эр-хотин,
Дастурхон атрофида.
Эри дейди: “Ўғлимиз,
Уйланса-ю, тинчисак”.
Хотини дер:”Қизимиз,
Бўй чўзибди, қарасак”.
Икковлон тузиб режа,
Фарзандларини ўйлаб,
“Фарз”ни адо этишса,
Уларни уйлаб-жойлаб!
Лекин битта нарса кам,
Унутдилар чамамда.
Фарзандлар бахтини хам,
Ўйлаш керак бир ёнда.
“Етти ўлчаб, бир кес” дер,
Халқимизда ақида.
Ўйлаб-жойлашдан бурун,
Қайғуринг бахт хақида!
Аввал беринг уларга,
Хунар, илм ва ақл,
Турмуш қургач, хаётда,
Яшаш учун мустақил!
Абдулла Пулатов
- Материаллар фақат шахсий мақсадларда фойдаланиш учун: Материаллардан тижорат мақсадларида фойдаланиш, тарқатиш қонун билан тақиқланади.
- «Муаллифлик хуқуқи ва турдош хуқуқлар тўғрисида» ги Ўзбекистон Республикаси Қонуни: № 42 сон, 20 июнь. 2006 йил.
© МУАЛЛИФ
