Nigeriyada neft quvuri portlashi oqibatida kamida 17 kishi halok bo‘ldi, 25 kishi jabrlandi. Bu haqda Channels TV telekanaliga tayanib “RBK” xabar bermoqda.
Foto: AFP
Portlash mamlakatning eng yirik shahri Lagos yaqinidagi Abul Ado hududida sodir bo‘lgan — deb bu haqda «Daryo» nashri xabar beradi. Shtat politsiya komissari Hakim Odumosuning so‘zlariga ko‘ra, quvurda portlash yuzaga kelishiga inson omili sabab bo‘lgan. U terakt yoki vandalizm sodir bo‘lganini inkor etgan.
Foto: AFP
Birinchi portlashdan so‘ng bir nechta ikkinchi darajali portlashlar sodir bo‘lgan va u vayrongarchilikka olib kelgan. Xususan, mahalliy cherkov butunlay vayron bo‘lgan va yotoqxona binosiga jiddiy zarar yetgan. Shuningdek, bir nechta turar joylar ham butunlay va qisman vayron bo‘lgan.
Foto: AFP
Ushbu hududda yashovchi aholi jabrlanmaslik maqsadida o‘z uylarini tark etishga majbur bo‘lgan. Barcha jarohatlanganlarga voqea joyining o‘zida tibbiy yordam ko‘rsatilgan, og‘ir jarohatlanganlar kasalxonaga yotqizilgan.
