Она:
— Дониёржон, тойчоғим, сен боғчангни яхши кўрасанми?
Ўғил:
— Ха ойижон, яна узоқ сафарга отландингизми?
— Ойи, дадамга кеча бозордан олган нарсаларингизни кўрсатдингизми?
— Йўқ, хозирча кўрсатганим йўқ. Нима эди?
— Ундай бўлса, кайфиятлари яхшилигида мен аввал кундалигимни кўрсатиб олай!…
— Ўғлим, қўшнимизникига чиқиб, ўртоғинг билан бир пас ўйнаб тургин, мен бозорга бориб келай!
— Э, йўқ, керакмас. Уйда ўзим хам туравераман. «Дардисар» бўлишни хохламайман.
-Вой ўлмасам, болам, бу гапни қаердан олдинг?
— Ахир ўзингиз кечагина ўртоғим бизникига чиққанида «Ха, ана, шу дардисар камлик қилиб турувди» дедингизку!…
Бола телевизордаги она-боланинг мухаббати хақидаги болалар фильмини томоша қилиб, ундан ғоятда таъсирланиб турган пайтда онаси кириб келди:
Бола деди:
— Онажон, мен сизни яхши кўраман!
— Онаси:
— Вой ўлмасам, хрустал вазани синдириб қўйдингми?!…
— Дада, мен бугун анча барвақт ўйғондим. Хатто сизларни «тур ўрнингдан» дейишингизни хам кутмадим.
— Баракалла ўғлим, хўш ундан кейин нималар билан шуғулландинг? Бадантарбия дегандай….
— Кейин кўзимни яна бир оз вақтга юмгандим, яна хар кунгидай ухлаб қолибман!…
— Ойижон, менга боғчам учун шеър ёзиб бераман дегандингиз. Нимага ёзиб бермадингиз?
— «Илхом» келмаяптида, болам?
— Ахир шуни айтмайсизми! Илхом боядан бери чангга беланиб, кўчада тўп тепаётган эди. Хозир уни бир зумда ёнингизга айтиб келаман…
Абдулла Пулатов
- Материаллар фақат шахсий мақсадларда фойдаланиш учун: Материаллардан тижорат мақсадларида фойдаланиш, тарқатиш қонун билан тақиқланади.
- «Муаллифлик хуқуқи ва турдош хуқуқлар тўғрисида» ги Ўзбекистон Республикаси Қонуни: № 42 сон, 20 июнь. 2006 йил.
© МУАЛЛИФ
