O‘zbekiston Respublikasi Favqulodda vaziyatlar vazirligi Shahrisabz “Temurbeklar maktabi” harbiy-akademik litseyiga o‘qituvchilar tanlov asosida ishga qabul qilinmoqda — deb bu haqda «Daryo» nashri xabar beradi.
Favqulodda vaziyatlar vazirligi tasarrufida Shahrisabz “Temurbeklar maktabi” harbiy-akademik litseyi tashkil etilmoqda. Mazkur litseyga 5 yil uzluksiz pedagogik ish stajiga ega bo‘lgan o‘qituvchilar ishga taklif qilinadi.
“Temurbeklar maktabi”ning o‘qituvchilari va boshqa xodimlariga “Temurbeklar maktabi”ning tegishli lavozimlari uchun belgilangan mehnatga haq to‘lash shart-sharoitlari tizimi tatbiq etiladi. “Temurbeklar maktabi” ishchi va xizmatchilari sonidagi xodimlarining bazaviy tarif stavkalari:
— direktor va uning o‘rinbosarlari, o‘qituvchilar, o‘quv bo‘limi xodimlari uchun – 5 barobar;
— to‘garak (seksiya) rahbarlari va psixologlari uchun – 3 barobar;
— axborot-resurs markazi (kutubxona), axborotlashtirish va aloqa bo‘linmalari xodimlari, instruktorlar va laborantlar uchun – 2 barobar miqdorda to‘lanadi.
“Temurbeklar maktabi”da ishlash uchun quyidagi fanlardan dars beruvchi o‘qituvchilar ishga taklif etiladi:
- ona tili va adabiyoti;
- rus tili va adabiyoti;
- tarix;
- ingliz tili;
- fizika;
- astronomiya;
- algebra;
- geometriya;
- kimyo;
- biologiya;
- geografiya;
- ma’naviyat asoslari;
- davlat va huquq asoslari;
- jismoniy tarbiya;
- informatika va axborot texnologiyalari;
- chaqiruvga qadar boshlang‘ich tayyorgarlik.
Maktab manzili: Qashqadaryo viloyati, Shahrisabz shahri, Teparlik ko‘chasi 1-uy (Shahrisabz iqtisodiyot kasb-hunar kolleji o‘rnida). FVV Shahrisabz “Temurbeklar maktabi” harbiy-akademik litseyida ishlashni xohlovchi o‘qituvchilar 2020-yilning 29-aprel – 13-may kunlari Qoraqalpog‘iston Respublikasi, viloyatlar va Toshkent shahar Favqulodda vaziyatlar boshqarmalarida qabul qilinadi. Qabul vaqti dushanba—shanba 9:00-13:00, 14:00-18:00. (tushlik: 13:00-14:00, dam olish kuni yakshanba).
Tanlovda ishtirok etish uchun nomzodlar tomonidan quyidagi hujjatlar taqdim etiladi:
- tanlovda ishtirok etish uchun ariza;
- pasport nusxasi;
- mehnat daftarchasining belgilangan tartibda tasdiqlangan nusxasi;
- oliy ma’lumot to‘g‘risidagi diplom yoki vakolatli davlat organining xorijiy ta’lim muassasasida olingan oliy ma’lumot to‘g‘risidagi hujjatga muvofiqlik olinganligi to‘g‘risidagi guvohnoma;
- 3,5×4,5 sm o‘lchamdagi 4 dona rangli fotosurat;
- harbiy hisobga olish hujjatlari nusxalari (harbiy xizmatga majburlar va harbiy xizmatga chaqiriluvchi shaxslar uchun);
- o‘tkazilgan attestasiya natijalari bo‘yicha berilgan sertifikat nusxasi, nomzodning rezyumesi (obyektivka);
- erishilgan yutuqlari bo‘yicha ma’lumot (tasdiqlovchi hujjatlari bilan).
Qo‘shimcha ma’lumotlar bilan FVVning rasmiy veb sayti orqali tanishish mumkin.
