Buxoro viloyat hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari lavozimiga Mirali Hamroyev tayinlandi. Bu haqda “Daryo”ga viloyat hokimligi axborot xizmati rahbari Olim Jo‘rayev ma’lum qildi — deb bu haqda «Daryo» nashri xabar beradi.
Mirali Hamroyev
Foto: Buxoro viloyat hokimligi
Ta’kidlanishicha, Mirali Hamroyev 2018-yildan o‘rinbosarlikka tayinlanguniga qadar Buxoro viloyat bandlik bosh boshqarmasi boshlig‘i lavozimida ishlab kelgan.
U 1983-yil Buxoro shahrida tug‘ilgan. Mehnat faoliyatini 2001-yilda Buxoro shahar hokimligi moliya bo‘limi hisobxonasi hisobchi-taftishchisi sifatida boshlab, hokimlikda turli lavozimlarda faoliyat ko‘rsatgan.
2017—2018-yillarda Kogon shahar hokimining iqtisodiyot va tadbirkorlik masalalari bo‘yicha birinchi o‘rinbosari lavozimida ishlagan.
Eslatib o‘tamiz, 2017-yildan buyon Buxoro viloyat hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari lavozimida ishlab kelgan Jamol Nosirov Ozodbek Nazarbekovga birinchi o‘rinbosar etib tayinlangandi.
