Pashsha va bolari (bolalar uchun sheʼr)

Qaysidir bir zamonda,
Bitta pashsha bor ekan.
U izgʼib xar tomonda,
Ifloslikka zor ekan.

Xar yon gʼoʼngʼillab uchib,
Bor narsaga qoʼnarkan.
Uni mikrob tashuvchi,
Desa toʼgʼri boʼlarkan.

Oʼsha pashsha bir kuni,
Yoʼliqib bolariga,
«Chaqib olmasin meni»
Deb qochibdi nariga.

Soʼng debdi bolariga:
Kuyib-pishding namuncha?
Chidaming zoʼr bariga,
Ishlaysan kech kirguncha.

Nimaga menga oʼxshab,
Tekin ovqat yemaysan.
Uyimga qadam tashlab,
Mexmon boʼlay demaysan.

Bolari der: xoy, pashsha,
Bunday dema ikkinchi.
Qadaming oʼylab tashla,
Yana shunday deginchi!

Sen bilan gaplashgani,
Men emasman bekorchi.
Zararkunanda, qani
Tez koʼzimdan yoʼqolchi!

Bu gapning taʼsirida,
Xaykaldek qotib qoldi.
Obroʼsini borida,
Quyonday qochib qoldi!

  • Materiallar faqat shaxsiy maqsadlarda foydalanish uchun: Materiallardan tijorat maqsadlarida foydalanish, tarqatish qonun bilan taqiqlanadi.
  • «Mualliflik xuquqi va turdosh xuquqlar to‘g‘risida» gi O‘zbekiston Respublikasi Qonuni: № 42 son, 20 iyun. 2006 yil.

© MUALLIF